Her Kimin ki Aşk Ola Başında Tâc

16 Eylül 2019 tarihinde yayınlanmıştır.

NUTK-İ ŞERÎF

Her kimin ki 'aşk ola başında tâc

Hakk katında her işi olur revâc

'Aşkdır hep cümle emrâza tabîb

'Aşkdır hem cümle ağrâza 'ilâc

'Aşk bir sultân-ı âlîdir ki bil

Cümle şâhlardan alır darben harâc

Mahzen-i esrâr-ı 'aşk olan gönül

Dü cihân müklüne olmaz ihtiyâc

Cümle ezvâk-ı cihânın lezzeti

Ni'met-i 'aşk içre oldu indirâc

Mâide-i 'aşkı yiyen 'âşıkların

Min ba'd dünyâya olmaz karnı aç

Şerbet-i şevki içen sâdıkların

Kalbine şeytân vermez ihtilâc

Bezl kıl cânını tâ kim olasın

Nev-'arûs-i 'aşka her dem izdivâc

'Aşk ile da'vâ-yı kâzib herdemi

Eylemezler bir mahalde imtizâc

Ey Rusûhî 'aşka kalbindir mahal

Nûr-i şevke hem derûnundur zücâc

İsmâil Ankaravî

Kuddise Sırruh