Her Lezzet ü Her Bûseye Vurma Dudağın Tâ

15 Mayıs 2019 tarihinde yayınlanmıştır.

NUTK-İ ŞERÎF

Her lezzet ü her bûseye vurma dudağın tâ

Dildâr lebinden olasın mest ü şeker hâ

Ağyâr lebi râyihası kalmaya sende

'Aşk içre mücerred olasın yek-dil ü yektâ

Ol nûr-i kadîm olmayanı bil ki hadesdir

Çık mezbeleden kim edesin nûru temâşâ

Ol kim hades olmuş ne bilir lezzet-i pâki

Pâk olsa hadesden o bulur pâk-i te'âlâ

Çün ni'met-i Firavn'dan el yıkadı Mûsâ

Deryâ-yı kerem verdi ana bir yed-i beyzâ

Bend eyle bu çeşmi ki budur ahvâl-i mağrûr

Bu mi'deyi boş et bul o lezzâtı muheyyâ

Ey dil hani ol cân ki ola himmeti 'âlî

Deryâları nûş eyleyüp ol kanmaya aslâ

Emvâcı koyup gark-ı yem-i 'aşk ola mutlak

Ol bahr-i safâ içre ola kalbi musaffâ

Pâk olsa hadesden dil erer Hakkı Kadîm'e

Hamr-ı ezeli nûş eder akdâh olur eşyâ

İbrâhîm Hakkı Erzurûmî

Kaddesallahu Sırrahu'l-Âlî