Her Neye Baksan Delîl-i Zâtidir
7 Mart 2022 tarihinde yayınlanmıştır.
NUTK-İ ŞERÎF
Her neye baksan delîl-i zâtıdır
Cümle eşyâ mushaf-ı âyâtıdır
'Arş ü ferş aktâ’-ı muşt-i hâkidir
Cüz ve kül burhân-ı zât-ı pâkidir
Evvelîn ü âhırîne reh-nümûn
Etdi zâhir cümleyi bir kâf ü nûn
Zât-ı pâki her cihetdendir birûn
Fâ'il-i dânâ durur bî-çend ü çûn
Bu cihân-ı 'akl ü cân hayrânıdır
Gûy-i diller cümle ser-gerdânıdır
Murg-i cândır dâmı ile pây-bend
Kimde ki sevdâsı vardır ser-bülend
Sun'u çün kim lutfunu ızhâr eder
Âb ü gilden kâbil-i dîdâr eder
Mübdi-i bî-'avn ü bî-'illetdir Ol
Hâlık-ı bî-gâyet ü 'illetdir Ol
Ey ki sensin bâtın ü hem âşikâr
Rahîm ü Rahmân ü Hayy ü Kirdigâr
Molla Sinân Paşa