Her Rûy-i Kamer Âfet-i Devrâne Yetişmez
2 Eylül 2019 tarihinde yayınlanmıştır.
NUTK-İ ŞERÎF
Her rûy-i kamer âfet-i devrâne yetişmez
Her gonce-i ter lebleri handâne yetişmez
Ol çeşm-i siyeh âhû-yı Çin'den de güzeldir
Gerdende hâli dengine dürdâne yetişmez
Her dîdesi bir kıble-nümâ ka`be-i 'aşka
'Aşk ka'besini bilmeyen Rahmân'e yetişmez
Dil beyt-i Hudâ derûnu mihrâb-ı muhabbet
Muhabbet ise sîret-i hayvâne yetişmez
Zevk-i meyi sor bezm-i elest bâde-keşinden
Katre-i meyi içmeyen 'ummâne yetişmez
Gülşen-i gönül güllerini eyle temâşâ
Cân gözleri yok mihr-i dırahşâne yetişmez
Bir 'ârif-i billâha meğer dil vere Lutfî
Erden dûr olan meydân-ı merdâne yetişmez
Alvarlı Efe Hâce Muhammed Lutfî
Kaddesallahu Sırrahu'l-Âlî