Her Sıfat Kim Mazhar-ı İsm-i Hudâ'dır Her Biri
7 Temmuz 2023 tarihinde yayınlanmıştır.
NUTK-İ ŞERÎF
Her sıfat kim mazhar-ı ism-i Hudâ'dır her biri
Âsumân-ı gayb-ı Hakk'da mehlikâdır her biri
Değme seng-i ta'n ile ehl-i butûnun zülfüne
Tut ki bir Mûsâ elinde ejdehâdır her biri
Bakma tahkîr eyleyüp sôfî-i sâfî-tıynete
Vechine âyîne-i 'ibret-nümâdır her biri
Mevc-i imkân eyledi 'ummân-ı vâhidden hudûs
Bir habâb-ı pür-hevâ-yı mâsivâdır her biri
Sür'at ile mahv u isbât olmada nakş-ı vücûd
San vücûd üzre nukûş-ı bûriyâdır her biri
Bir hıyâbân-ı velâyetdir ma'ârif k'anda Şems
'Ârifân-ı ekmelin şîr-i Hudâ'dır her biri
Osman Şems Efendi
Kaddesallahu Sırrahu'l-Âlî