Hevâ-yi Hüsnün İle Tâ Cinâna Dek Gideriz
17 Ağustos 2023 tarihinde yayınlanmıştır.
NUTK-İ ŞERÎF
Hevâ-yı hüsnün ile tâ cinâna dek gideriz
Hezâr-ı fasl-ı gülüz gülsitâna dek gideriz
Tarîk-i 'aşkda olduk Cenâb-ı Veys'e refîk
Harîm-i dergeh-i Fahr-ı Cihân'a dek gideriz
Nitâk-bend-i tevellâ idüp miyânımızı
Der-i düvâzdeh-i hânedâna dek gideriz
Sirişk-i ma'zeret-efşân-ı dîde-i dil olup
Hicâb-ı cürm ile dârü'l-emâna dek gideriz
Koyup zamân u mekânı soyup kabâ-yı teni
Fedâ-yı cân iderek lâ-mekâna dek gideriz
Misâl-i Şems olup sînede dağdâğa-i firâk
Huzûr-ı Hâlık-ı kevn ü mekâna dek gideriz
Osman Şems Efendi
Kuddise Sırruh