Himmet-i Merdân İle Meydâne Geldim Dönmezem
11 Temmuz 2024 tarihinde yayınlanmıştır.
NUTK-İ ŞERÎF
Himmet-i merdân ile meydâne geldim dönmezem
Şevk ile dil zevrakın 'ummâne saldım dönmezem
Vahdet-i sırfa irâdet vermemişdir Azâzil
Küfr-i kesretden dönüp îmâne geldim dönmezem
Zülfüne bel bağladım 'aşkıyla ser-gerdânıyem
Bâşımı top eyleyip meydâne geldim dönmezem
Giymişem çokdan fenâ ihrâmını kıldım vukûf
Vasl-ı 'ıydine bu dem kurbâne geldim dönmezem
Dâr-ı dünyâda mekârihden menâzil kat' edüp
Hamdülillah ravza-i rıdvâne geldim dönmezem
Mekteb-i 'aşkda nedânem dersini öğrenmeğe
Tıfl-veş bir sâde-dil 'irfâne geldim dönmezem
Her cefâsına vefâ bûyin bulupdur tıfl-ı cân
Şemsiyâ 'aşk âteşine yâne geldim dönmezem
Şemseddîn Sıvâsî
Kuddise Sırruh