Hitâb-ı Alleme'l-Esmâ Rumûz-ı Sırr-ı İnsandır
2 Ağustos 2023 tarihinde yayınlanmıştır.
NUTK-İ ŞERÎF
Hitâb-ı 'alleme'l-esmâ rumûz-ı sırr-ı insandır
Kitâb-ı nokta-i evvel hakikat ehl-i 'irfândır
Lisân-ı 'ilm-i esrârın o kim fehm eylemez remzin
Görünür sûretâ insân velî sîretde hayvândır
Olar kim rûy-i dildârı temâşâ etdi her yüzden
Çeker el gayr-ı Hakk'dan ol bu ma'nâ özge seyrândır
Kaçan kim ol kemân-ebrû girer meydân-ı 'aşk içre
Ser-i 'uşşâkı top eyler anın kim zülfü çevgândır
Diler bir demde katl eyler serâser 'âlemin halkın
Yazılmaz bir nefes cürmü rızâ-yı hükm-i sultândır
Binâ-yı dest-i kudretdir yıkılmaz bilmiş ol Nakşî
Libâsın tâzeler ancak 'akıllar bunda hayrândır
Nakşî-i Akkirmânî
Kuddise Sırruh