Hoş Gûşe-i Zevk İdi Safâ Ehline Âlem

5 Nisan 2020 tarihinde yayınlanmıştır.

HİKMET

Hoş gûşe-i zevk idi safâ ehline 'âlem

Bir hâl ile sürseydi eger 'ömrünü âdem

Sıhhat sonu derd olmasa vuslat demi hicrân

Nûş âhiri nîş olmasa sûr âhiri mâtem

Bu 'âlem-i fânîde safâyı ol ider kim

Yeksân ola yanında eger zevk u eger gam

 Dâim ola hem-sohbet-i rindân-ı kadeh-nûş

 Varın koya meydâna eger bîş ü eger kem

 Sôfî ki safâda geçinür Mâlik-i Dînâr

 Bir dirhemini alsan olur hâtırı derhem

 Zâhir bu ki âhır yeri hâk olsa gerekdir

 Ger dirheme muhtâc ola ger mâlik-i dirhem

 Mey sun bize sâkî içelim rağmına anın

 Kim cehli ile bilmediği yerden urur dem

 Her münkir-i keyfiyyet-i erbâb-ı harâbât

Öz aklı ile Hakk'ı diler bulmağa heyhât

Bağdadlı Rûhî

Rahmetullahi Aleyh