Hubb-i Rahmân İsteyenler Dürr ü Mercân İstemez
27 Mayıs 2019 tarihinde yayınlanmıştır.
NUTK-İ ŞERÎF
Hubb-i Rahmân isteyenler dürr ü mercân istemez
Derdini dermân bilenler derde dermân istemez
Derd ise bir dürr ü mercân gerden-i cân cevheri
Lübb-i 'irfân isteyenler şöhret ü şân istemez
Şehper-i zenbûru değmez bu cihân kâşânesi
Seyr-i cânân isteyenler kasr-ı cinân istemez
Bu fenâda sîm ü zerler od salar cân-gâhlara
Mâh-i tâbân isteyenler necmi seyrân istemez
Öyle bir dilbere el ver dâd-res olsun sana
Bâkî bir cân isteyenler fânî bir cân istemez
Bu nukûşât-ı cihânı nakşeden nakkâşı gör
'İlm ü 'irfân isteyenler gül ü reyhân istemez
Mir'ât-ı hikmete bak Lutfî 'aref dersin oku
Cânı kurbân isteyenler câna kurbân istemez
Alvarlı Efe Hâce Muhammed Lutfî
Kuddise Sırruh