Hudâ Afv Eylemezse Rûz-i Mahşer Cürm ü Isyânım
9 Haziran 2021 tarihinde yayınlanmıştır.
NUTK-İ ŞERÎF
Hudâ 'afv eylemezse rûz-i mahşer cürm ü 'ısyânım
Neler çekse gerek dest-i zebânımdan girîbânım
Esîr-i nakş olup 'ömrüm geçirdim hâb-ı gafletde
Revâ kân ağlasa eşk-i nedâmet dökse çeşmânım
Za'îfim nefs-i emmâre elinden nâtüvân oldum
Tehammül kalmadı bâr-ı me'âsî kesdi dermânım
Çıkup kürsîye ey vâ'iz oku "lâ taknetû" dersin
Gazab âyetlerinden bahs edersin sen de ey cânım
Zekâyî yüz sürüp geldim der-i Sultân-ı kevneyn'e
Melâz ü melce'im oldur iki 'âlemde sultânım
Şeyh Zekâî Efendi
Kuddise Sırruh