Hudâyâ Hâlimiz Sen Eyle Islâh
15 Temmuz 2022 tarihinde yayınlanmıştır.
NUTK-İ ŞERÎF
Hudâyâ hâlimiz sen eyle ıslâh
Çü sensin Hâlık u Rezzâk u Fettâh
Habîbin sâyesinde etme mahrûm
O'dur 'âlemlere zîrâ ki misbâh
Anınla kâim oldu külli eşyâ
Anınla zindedir ecsâd u ervâh
Anınçün mevc urur deryâ-yı rahmet
Ki oldur zevrâk-ı hikmetde mellâh
Niçe kâbil ki na'tı ola tahrîr
Ne mümkin vasfını şerh ide şerrâh
Olupdur rûz u şeb dervîş-i tab'ım
Anın sahrâ-yı evsâfında seyyâh
Şükür yâ Rabb senin lutfunla Fazlî
Olupdur ana mikdârınca meddâh
Seyyid Osman Fazlî Efendi
Kaddesallahu Sırrahu'l-Âlî