Hudâyâ Hudâlık Sana Yaraşır
7 Mart 2022 tarihinde yayınlanmıştır.
MÜNÂCÂT
Hudâyâ Hudâlık sana yaraşır
Nitekim gedâlık bana yaraşır
Çü sensin penâhı cihân halkının
Kamudan sana ilticâ yaraşır
Şeh oldur ki kulluğun etdi senin
Kulun olmayan şeh gedâ yaraşır
Şu baş kim sana secde eylemeye
Ser-i şâh ise zîr-i pâ yaraşır
Şu dil kim marîz-i gamındır senin
Ana zikrin ile şifâ yaraşır
Şu kim dürr-i gufrânın olmak diler
Gamın bahrına âşinâ yaraşır
Egerçi ki isyânımız çok-durur
Sözümüz yine rabbenâ yaraşır
Ne ümmîd ü ne bîmdir işimiz
Hemân bize havf u recâ yaraşır
Eger 'adl ile sorasın Adlî'yi
'Ukûbetdir ana sezâ yaraşır
Ben etdim anı kim bana yaraşır
Sen eyle anı kim sana yaraşır
Şu günde ki hiç çâresi kalmaya
Ana çâre-res Mustafâ yaraşır
Sultan 2. Bayezid
Rahmetullahi Aleyh