Hümâ-yı Dil Karâr Etmez
5 Eylül 2021 tarihinde yayınlanmıştır.
NUTK-İ ŞERÎF
Hümâ-yı dil karâr etmez
'Aceb telvîni var ancak
Görenler Hakk cemâlini
Su gibi bî-karâr ancak
Tecellâ Rabbüne'l-Mennân
Lehû fî-külli yevmin şân
Rumûzu eyleyen iz'ân
Ma'ârif ehli yâr ancak
Olup dil derd ile şeydâ
Sivâyı görse nâ-peydâ
Hudâ etmek vücûd i'tâ
Mahall-i iftihâr ancak
Görüp Dost'un cemâlini
Murâd edin visâlini
Gider varlık cibâlini
Demirden kûhsâr ancak
Hüdâyî feyz-i akdesden
Nasîb alırsa cân ü ten
Olurdu her işin ahsen
Kamuya ol medâr ancak
Azîz Mahmûd Hüdâyî
Kuddise Sırruh