Hüsn-i Leylâ'dan Haberdâr Olmayan Mecnûn Değil
14 Kasım 2024 tarihinde yayınlanmıştır.
NUTK-İ ŞERÎF
Hüsn-i Leylâ'dan haberdâr olmayan Mecnûn değil
Derd-i 'aşka düşmeyen 'âşık daḫi meftûn değil
Mübtelâ-yı 'aşk olan vuslat diler ma'şûkuna
Dü cihânın vârını virsen ana memnûn değil
Şem'-i 'aşka cân atar pervâne misli 'âşıkân
Zâhid-i huşkun safâsın çekdiği beş on değil
Gice gündüz sa'y idüp bu zikr ü tesbîhden murâd
Vuslat-ı dîdâr-ı Hakk'dır dildeki efsûn değil
Nâ-halef Hakk'a bu halkı gel deyü da'vet ider
Hoş cesâret eyler ammâ da'vete me'zûn değil
Akça boncuġu satar bin lâf ile ol dürr deyü
'Ârif anlar sırça billûru dürr-i meknûn değil
Bedriyâ esrâr-ı Hakk'a kim bugün bulur vusûl
Dü cihânda şâd u hurremdir bugün mahzûn değil
Mahmud Bedreddin Efendi
Kuddise Sırruh