Hüsnün Oldukça Füzûn Aşk Ehli Artuk Zâr Olur
11 Kasım 2021 tarihinde yayınlanmıştır.
GAZEL
Hüsnün oldukça füzûn 'aşk ehli artuk zâr olur
Hüsn ne mikdâr olursa 'aşk ol mikdâr olur
Cennet için men' eden 'âşıkları dîdârdan
Bilmemiş kim cenneti 'âşıkların dîdâr olur
'Aşk derdinden olur 'âşık mizâcı müstakîm
'Âşıkın derdine dermân etseler bîmâr olur
Zâhid-i bî-hod ne bilsin zevkini 'aşk ehlinin
Bir 'aceb meydir muhabbet kim içen hüşyâr olur
'Aşk sevdâsına sarf eyler Fuzûlî ömrünü
Bilmezem bu hâb-ı gaflletden kaçan bîdâr olur
Fuzûlî