MuzafferOzak.com (Türkçe)

NUTK-İ ŞERÎF

İdelim dostlar sizinle hüsn-i cânândan bahs

İtmeyelim câh u mâl u cism ile cândan bahs

Çün kadîmdür zât-ı pâki mâsivâsı fânîdir

Her zamânda her nefesde idelim andan bahs

Varmayalım yanına hîç bahs-i ağyâr idenin

Çün ider 'ubbâd u zühhâd hûr u gılmândan bahs

Nidelim biz himmeti alçak olan nâdânları

Ehl-i 'aşk ile idelim vasl-ı Yezdân'dan bahs

İbni Edhem gibi cümle varımızı terk idüp

İtmeyelim kand ü bâl ü âb ile nândan bahs

Açalım meydân-ı zikri yanalım 'aşk oduna

Eyleyelim bizi yakan nâr-ı sûzândan bahs

Es-salâ der size Kuddûsî fakîr ey 'âşıkân

Zühdü koyup eyleyelim 'aşk u 'irfândan bahs

Ahmed Kuddûsî

Kuddise Sırruh

İdelim Dostlar Sizinle Hüsn-i Cânândan Bahs