İki Cihân Zindân İse Gerek Bana Bostân Ola
15 Nisan 2019 tarihinde yayınlanmıştır.
NUTK-İ ŞERÎF
İki cihân zindân ise gerek bana bostân ola
Ayruk bana ne gam gussa çün 'inâyet dostdan ola
Varam ol dosta kul olam her dem açılam gül olam
Hem söyleyem bülbül olam durağı gülistân ola
Ol dost yüzün gördü gözüm erenlere toprak yüzüm
Söz bilene iş bu sözüm gerek şekeristân ola
Sensiz iki cihân benim zindân görünür gözüme
Senin 'aşkınla bilişen gerek hâssü'l-hâssdan ola
Her da'vâdan geçen kişi Hakk'dan yana uçan kişi
'Aşk şarâbın içen kişi geh esrik geh mestân ola
Kördür münâfıkın gözü yarın kara koyar yüzü
Halkın bana acı sözü gerek şekeristân ola
Her dem yüzüm yere uram Allah'ıma şükür kılam
Ben benliğim dosta verem ne da'vâ ya destân ola
'Aşka doyamadı özüm gensizin açıldı râzım
Yûnus senin işbu sözün 'âlemlere destân ola
Yûnus Emre
Kuddise Sırruh