İki Kaşın Arasında Çekdi Hatt-ı İstivâ
18 Ağustos 2023 tarihinde yayınlanmıştır.
NUTK-İ ŞERÎF
İki kaşın arasında çekdi hatt-ı istivâ
"Alleme'l-esmâ"yı ta'lîm etdi ol hatdan Hudâ
Zât-ı 'ilme Mustafâ esmâya Âdem'dir emîn
İkisinden zâhir olmuşdur 'ulûm-ı enbiyâ
Zât u esmâ vü sıfât ef'âl u âsâr cümleten
Her zamânda bir velînin vechine bunlar ziyâ
Secde eyle Âdem'e tâ kim Hakk'a kul olasın
Eden Âdem'den ibâ Hakk'dan dahi oldu cüdâ
Kenz-i lâ-yefnâyı bilmez kandedir illâ fakîr
Bahr-ı bî-pâyânı bulmaz etmeyen terk-i sivâ
Sûretâ gördüler Allah diyeni olmuş fakîr
Sandılar Allah fakîrdir kendilerdir ağniyâ
Ravza-i hadrâyı bilmez Hızr'a yoldaş olmayan
Âb-ı hayvânı bu zulmü bilmeyenler sandı mâ
Bil ki seddeyn iki kaş İskender ortasındadır
Cem'-i cem'ül-cem' ile feth oldu ebvâb-ı Hudâ
Kanda bulur Hakk'ı inkâr eyleyen bu Mısrî'yi
Zâhir olmuşken yüzünde nûr-ı zât-ı Kibriyâ
Niyâzî Mısrî
Kuddise Sırruh