MuzafferOzak.com (Türkçe)

NUTK-İ ŞERÎF

İlâhî dilime lutf eyle zikrinden halâvet ver

Duyam esrâr-ı tevhîdi dimâğımda letâfet ver

Beni pâk et 'alâıkdan halâs eyle 'avâıkdan

Harîm-i kûyuna varmaklığa şâhım liyâkat ver

Yönüm kanda olsa cemâlin ile meşhûdum

Beni fakrdan geçir yâ Rab bu kesret içre halvet ver

Yüzüm yokdur dönem yüzüm ne sözüm var diyem sözüm

Kerîmsin kapuna geldim cenâbından vicâhet ver

Yola girdim bu za'f ile 'aceb hâlim nice ola

Sana doğru giden yola 'inâyetden hidâyet ver

'İbâdetden bulam lezzet betâletden edem nefret

Tekarrübde ola hürmet dahî senden kanâ'at ver

Beni gayrıdan et bîzâr seninle eyleyem bâzâr

Yunup sevb-i me'âsîden dile yâ Rab tahâret ver

Ne hâl üzre olam yâ Rab erirme dînime noksân

Kemâl-i dînimi gayrı nakâyısdan kifâyet ver

Koma başa koma câna bana cür'et ver ihsâna

Kamu tavrımda sultânım kerâmetden sehâvet ver

Yolum üzre durup ağyâr hicâb oldu bana yek bâr

Selâmetle geçirgil bunca rehzenden selâmet ver

Tavâfım kûyuna olsun nigâhım rûyuna olsun

Bu Şemsî zerreye gayrı hevâlardan ferâgat ver

Şemseddîn Sıvâsî

Kuddise Sırruh

İlâhî Dilime Lutf Eyle Zikrinden Halâvet Ver