MuzafferOzak.com (Türkçe)

MÜNÂCÂT

İlâhî sen beni iki cihânda sakla âfâtdan

Husûsâ bu zemânda fitneden her bir beliyyâtdan

'Alîmsin çün 'ayân sana ne hâcet hâlimi 'arza

Murâdım 'aczimi ikrâr bu nazm ile münâcâtdan

Du'âdan gayrı yok çâre bana haste koca oldum

Pes ol efdal imiş 'âcizlere türlü 'ibâdetden

Günâhım çok ise Gaffar u Settâr u Halîm'sin sen

Zarar gelmez sana hiç kıldığım cürm ü hatîâtdan

Mevâni'den esirge zikr ü fikrimde huzûr bulam

Seni zikr eylemek bana ehabbdir cümle tâ'atden

Gücüm yetmez ki kulluk eyleyem sana cevârihle

Beni cezb eyle kim bir cezbe yeğ envâ'-ı hayrâtdan

Hidâyet eyle Kuddûsî kuluna Hâdîyâ lutf it

Geçir fazlınla ol miskîni ârzû-yı kerâmâtdan

Ahmed Kuddûsî

Kuddise Sırruh

İlâhî Sen Beni İki Cihânda Sakla Âfâtdan