İnsâf Eyle Ey Hâce Değil mi Bu Hıyânet
5 Eylül 2023 tarihinde yayınlanmıştır.
NUTK-İ ŞERÎF
İnsâf eyle ey hâce değil mi bu hıyânet
Erbâb-ı cefâya diyeler ehl-i diyânet
Da'vâ-yı celîdir ki nizâ' eylemek olmaz
A'dâ-yı Muhammed değil ashâb-ı hidâyet
Merdûd-ı Hudâ'dır ki müselmân demek olmaz
Her kim ki Muhammed sözüne kılsa 'adâvet
Bes hâl-i şerîrini bilin leşker-i Şâm'ın
Ol tâifedir pîşrev-i ehl-i şekâvet
Medh eyleme ey hâce o kavm-i süfehâyı
Bu sözleri dergûş eylemez ehl-i dirâyet
A'yânına a'vânına ol kavm-i pelîdin
A'lâsına ednâsına la'net tâ kıyâmet
Bî-pâ ne kadar var bu ne penc ü çehârın
Ahbâbına rahmet dahi a'dâsına la'net
Biz hâk-i pey-i Âl-i 'Abâ çâker-i çârız
Yârânına yârız dahi ağyârına nârız
Seyyid Hamza Nigârî
Kuddise Sırruh