İşbu Dem Geldim Kapuna Eyle İhsân Yâ Ganî
18 Nisan 2023 tarihinde yayınlanmıştır.
MÜNÂCÂT
İşbu dem geldim kapuna eyle ihsân yâ Ganî
Suçluyum durdum tapuna 'afv u gufrân yâ Ganî
Ta'ne-i a'dâ vücûdu şerha şerha eyledi
Kıl mürüvvet derdliyim ben eyle dermân yâ Ganî
Sen mürüvvet kânısın 'afv eylemek şânındadır
Kul olanın hâl-i şânı cürm ü noksân yâ Ganî
Dileriz senden 'atâ lutf ile kerem dembedem
Olmaz ise kalırız der-bâb-ı hizlân yâ Ganî
Senden imdâd olmayan mahrûm olur dâreynde çün
Tâ ebed hüsrânda kalır ehl-i tuğyân yâ Ganî
Bây ü gedâ cümlesi 'âciz kapunda hem fakîr
Dergâhına muhtâc-dürür cümle insân yâ Ganî
Sûzî sâildir 'inâyet eyle ana yâ Kerîm
Kalmadı tâb u tuvânı şöyle hayrân yâ Ganî
Ahmed Sûzî
Kuddise Sırruh