MuzafferOzak.com (Türkçe)

NUTK-İ ŞERÎF

İşit meyhâne-i dilden velâkin anla insân ol

Gider kalbinden inkârı sözüm tut ehl-i 'irfân ol

Şerî'at ger hakîkat kim biri kâl ü biri hâldir
İrişdi nutk-ı Hazret'den şikâr it bir ulu kân ol

Olar kim şeyh-i kâmildir oturmuşdur bi-iznillah

Çekerler halkı irşâda elin tut kul u kurbân ol

Özüm 'ayn-ı şerî'atdir hakîkat hâlim olmuşdur

Odur kim dört kitâbım ben kabûl it ehl-i îmân ol

Bunu inkâr iden kimse çıkar dînden îmândan bil

Kabûl itmez anı Mevlâ meded itdinse pişmân ol

Anın kim 'azli vü nasbı ola mahlûk elinden çün

Olur mu vâris-i Ahmed haber vir emre fermân ol

Uyan âhir bu gafletden cehâlet perdesin çâk it

Oku bir şeyh-i kâmilden eşiğin bekle mihmân ol

Nedir gör Nakşî-i şeydâ nebî vü ger melek mürsel

Değilsin gayrı anlardan işit bu sırra hayrân ol

Nakşî-i Akkirmânî

Kuddise Sırruh

İşit Meyhâne-i Dilden Velâkin Anla İnsân Ol