İslâmda Şeref Emn ü Emân Kalmadi Gitdi
16 Şubat 2022 tarihinde yayınlanmıştır.
NUTK-İ ŞERÎF
İslâmda şeref emn ü emân kalmadı gitdi
İylik umulur devr-i zemân kalmadı gitdi
Câhil ü cefâkâr eline verdik umûru
Erbâb-ı kemâl kesdi gümân kalmadı gitdi
Ref' oldu 'ilim rûy-i zemîn doldu zulümât
Herkesde kemâl ile îmân kalmadı gitdi
Îmân ile islâm umulur zât-ı kerem-şân
Mülk-i 'ademe oldu revân kalmadı gitdi
Envâ'-ı rezâletde olan etdi teşehhür
Ashâb-ı nâmûs pîr ü civân kalmadı gitdi
N'oldu n'oliser ehline meydânda hüveydâ
Lutfiyâ bugün Hakk'ı soran kalmadı gitdi
Alvarlı Efe Hâce Muhammed Lutfî
Kaddesallahu Sırrahu'l-Âlî