İsm-i Hû'nun Feyzin İdrâk Eylemez Her Hâr ü Hass
8 Haziran 2021 tarihinde yayınlanmıştır.
NUTK-İ ŞERÎF
İsm-i Hû'nun feyzin idrâk eylemez her hâr ü hass
Kâf-ı Ankâ'dan suâl eyle ne bilsin her meges
Çün Hüve'l-Evvel Hüve'l-Âhir Hudâ'dan gayrı yok
Zâhir ü Bâtın O'dur zîr u fevk u pîş ü pes
"Lâ" ile "illâ"nın esrârından aldınsa haber
Görünür "illâ" görünmez gözüne 'âlemde kes
Tâvûs-i kuds-i Hudâ'sın âşiyânın yâd edüp
Dâr-ı mihnetdir bu dünyâ eyleme hergiz heves
Bahr-i vahdet mürgüsün düşdün tabî'at dâmına
Asla râci' olmağa cehd eyle sandıkda kafes
On sekiz bin 'âleme âyînedir kalbin senin
Kandi ef'âlindir anda görünen yahşî vü 'abes
Kârbân-ı ehl-i 'aşkdan Seyfî dûr olma sakın
Subh ü şâm olsun dilinde zikr-i nâlânın ceres
Seyyid Nizâmoğlu Seyyid Seyfullah
Kaddesallahu Sırrahu'l-Âlî