MuzafferOzak.com (Türkçe)

NUTK-İ ŞERÎF

İster isen Yâr'ını terkeyle cümle vârını

Bülbül-i şûrîde gibi ziynet et gülzârını

'Âbidân zühd ü 'ibâdetle dilerler şöhreti

Ol-durur makbūl-i 'âlem hıfz ede esrârını

Kıl şedâyid ihtiyâr ol eşiğinde hâk-i râh

Et melâmet nefsini terk eyle tâlib 'ârını

Zâyi' etme nakd-i 'ömrü elde iken ey 'azîz

Vasla cânı bey' edüp Yâr ile et bâzârını

'Aşk yolunda sâdık oldur kim belâdan kaçmadı

Sâdık isen sen dahi 'add et güle her hârını

Sâlik-i râh-ı tarîkat lutfun umar dâimâ

Kıl 'inâyet anlara tâ göreler dîdârını

Şunlarındır devlet-i bâkî vü 'ömr-i sermedî

Bezl edüp cânı yolunda etdi terk ağyârını

Varlıġından geçüben terk etdi iki 'âlemi

Bil vücûdın mahv eder bir kez gören dîdârını

Gel derûnun 'aşķ ile doldur ki gayrı girmeye

Sâbitü'l-akdâm ol ey dil muhkem et ikrârını

Ehl-i Cennet Fenâyî Mehmed Efendi

Kaddesallahu Sırrahu'l-Âlî

İster İsen Yâr'ını Terkeyle Cümle Vârını