İstersen Sahn-ı Cihânda İdesin Dâim Sürûr
19 Ağustos 2024 tarihinde yayınlanmıştır.
NUTK-İ ŞERÎF
İstersen sahn-ı cihânda idesin dâim sürûr
Mutlak u âzâde olup kıl tekayyüdden nüfûr
Her ne kim meyl itse nefsin 'aksi eyle ihtiyâr
Bahtiyâr olur eğer râyinden ider isen nüfûr
Terk-i âz u terk-i şehvet terk-i hıkd u terk-i bu'z
Sal bu derdi ardına cehd eyle mukbil olagör
Her ne dem ki kâmın ile dönse bu çarh-ı felek
Yile virmeye seni tâ ki sakın bâd-ı gurûr
Kâmrân olmağa yine de kılma gûşiş olup
Terk-i kâm it ey Hayâlî istersen dâim huzûr
Ahmed Hayâlî Gülşenî
Kaddesallahu Sırrahu'l-Âlî