İsteyen Ukbâyı Oldu Zevk-i Dünyâdan Irağ
2 Haziran 2023 tarihinde yayınlanmıştır.
.jpg)
NUTK-I ŞERÎF
İsteyen 'ukbâyı oldu zevk-i dünyâdan ırâğ
Kurb-ı Hakk'a irmeğe dil cümleden ister ferâğ
Şem'a-i zann ile gezme leyle-i taklîdde
Rûz-ı tahkîke iriş gün doğsa ref' olur çerâğ
Bâğ-ı tevhîde güzer kıl eyle tebdîl-i hevâ
Bu 'ufûnât-ı semâdan olma muhtellü'd-dimâğ
Dü cihân kaydından el çek Hakk sana yüz göstere
Rûz-ı vasl olsun şeb-i hicrin ola dağ üstü bâğ
Gör cemâl-i vahdeti mir'ât-ı kesretden hemân
Cilvegerdir keşf-i esrâra velî eyler yasağ
Vâr olan hestî-i Hakk'dır hestî-i mevhûm içün
İ'tibâra mezheb-i tevhîdde yokdur mesâğ
Arz-ı kesretden çıkup iriş fezâ-yı vahdete
Kur Salâhî vâdî-i 'irfânda bir hoşça otağ
Abdullah Salâhaddîn Uşşâkî
Kaddesallahu Sırrahu'l-Âlî