MuzafferOzak.com (Türkçe)

NUTK-İ ŞERÎF

İsteyüp yâ Rabbi bir dil bulmazam lâyık sana

Zikr idüp adın diyende olmaya anda hevâ

Tayyib ü tâhir hevesden arı dilden isterem

Şevk ile zikrin diyeler işidem yâ Rabbenâ

İşidirem halk içündür Hâlık'a zikri n'idem

Ekserî halkı cihânın fikr idüp dilde riyâ

Depredüp dilin hevâdan anma sôfî Hâlık'ı

Sallayup bâd ile başın kargu kimi her yana

Kes dilin kurbağa kimi kâl ile zikr itmeden

Dönüben mâhîye itgil samt ile Hakk'a nidâ

Tevbe kıl kâl ile zikri itmeden hâl ehli ol

İster isen ide sensiz zikrini senden Hudâ

'Acz olur dilinde zikri ma'rifetden kâmilin

Derk ana dir hayret ıssı ekmel-i ehli'n-nühâ

"Lâ" vü "illâ"dan geçüben di hüviyyet zikrini

Tâ bilesin nedir andan 'acz-i "lâ uhsâ senâ"

Lî-ma'allah zikri nedir sorana direm bunu

İrişüp mezkûre olmaķ fikr ü zikrinden cüdâ

Rûşenî'den özge n'itsün Gülşenî zikrin diniz

Derd ü kerdi odur anın ibtidâ vü intihâ

İbrâhim Gülşenî

Kuddise Sırruh

İsteyüp Yâ Rabbi Bir Dil Bulmazam Lâyık Sana