MuzafferOzak.com (Türkçe)

NUTK-İ ŞERÎF

İşüdüp ey civân pendim sakın pîrine nâz itme

Dilersen nâzenîn olmak dürüş terk-i niyâz itme

Seviben sevdir özünü muhabbet artırıp pîre

Çalışup 'aşk ile sevgin çok idübeni nâz itme

Sana emr idicek pîrin dime ne tutmadın anı

Mürîd iken merîd olup 'inâd u lec-sâz itme

Gözün inkâr kâlından domaltup kurbağa nisbet

Duruban pîrine karşı kes ününü âvâz itme

Bilüp kerkesliğin nefsin emek çekdirüben pîre

Açup bâlini sayd içün kara karganı bâz itme

Eğerçi mesh-i sûrî yok bu ümmet içre ey tâlib

Özünü mesh-i ma'nâdan sakın meymun-güdâz itme

Uzatma kıylu kâlini dilin kes ta'nadan pîre

O kâlden kat' içün dile sükûtdan özge kâr itme

Güneşden fâş idüp halka diyenden Rûşenî sırrın

Bana dir Gülşenî andan ekinden kiştzâr itme

İbrâhim Gülşenî

Kuddise Sırruh

İşüdüp Ey Civân Pendim Sakın Pîrine Nâz İtme