Ka'be-i Dil Hâne-i Emn ü Emânımdır Benim
26 Nisan 2024 tarihinde yayınlanmıştır.
NUTK-İ ŞERÎF
Ka'be-i dil hâne-i emn ü emânımdır benim
Feyz-i Mevlâ zemzem-i cârî-yi cânımdır benim
İdeli vaz'-ı kadem şol rütbe-i 'indiyyete
Mak'ad-ı sıdk u safâ 'âlî mekânımdır benim
Bir ceseddir 'âlem-i âfâk baksan ser-te-ser
Hıfz-ı heykel eyleyen rûh-ı revânımdır benim
Şol vücûdumdur benim tefsîr-i Kur`ân eyleyen
Hem hadîs-i 'aşk takrîr-i zebânımdır benim
Bülbül-i hoş-hân-ı bâğ-ı ma'rifetdir bu dilim
Gülşen-i ma'nâ bahâr-ı bî-hazânımdır benim
Hakkıyâ ümmü'l-kitâbın nûru doğdu cânıma
Nûr-ı cânım cism içinde câvidânumdur benim
İsmâil Hakkı Bursevî
Kaddesallahu Sırrahu'l-Âlî