Kal'a-i Cismi Bırak Bârû-yı Tenden Geç Gönül
2 Ocak 2023 tarihinde yayınlanmıştır.
NASÎHAT
Kal'a-i cismi bırak bârû-yı tenden geç gönül
Âşiyân-ı asla uç burc-ı bedenden geç gönül
Gel cihâd-ı ekber et nefs ile ceng eyle bugün
Seyf-i 'aşk ile şehîd ol gel kefenden geç gönül
Nâkıs olma kâmil ol çevik ricâle kat özün
Er gibi gayretli depren zeyn-i zenden geç gönül
Cîfe-i dünyâya konma kıl hümâ-veş himmeti
Tûtî-veş sükker yegil hûy-i zağandan geç gönül
Gülmek ağlamak durur ma'mûrelik vîrânelik
Nâ-murâd ol 'ucbu ko gel mâ u menden geç gönül
Sâlik ol semt-i fenâya varlığın mahv et dilâ
Tavf-ı beyt-i 'âşık ol beytü’l-hazenden geç gönül
Göz kulak dil kalble vakf ola 'aşkullahda hep
Sûrete aldanmagıl serv ü semenden geç gönül
Hânesin yaksa kişi kim dünye ana lâ-yecûz
Çün yıkar anı yapan gel yıkılandan geç gönül
Hâsılı yumgıl havâsın zâhire aç bâtını
Şeyhî anın gör yüzün 'aynıyla senden geç gönül
Abdülmecid Sıvâsî
Kaddesallahu Sırrahu'l-Âlî