MuzafferOzak.com (Türkçe)

NUTK-İ ŞERÎF

Kalbi beytullahını hacceyleyen lebbeyk ile

Ka'be-i cânını yapar Hazret-i İbrâhim gibi

Ka'be-i Hakk 'ıyd-ı vaslına irer cânânenin

Cânını kurbân idenler Hazret-i İsmâil gibi

Diler isen Hakk katında oda dâim rıf'atin

Seni yokdan vâr iden Allah'a olsun hizmetin

Nefs ile Şeytân'a aldanma giderir ni'metin

Seni cennetden çıkarır Hazret-i Âdem gibi

Tâlib ol kim sana Hakk'dan gele bir özge hitâb

Hakk yolunda ehl-i derd ol ciğerin eyle kebâb

Hem vücûdun perdesini giderüp koma hicâb

Gör tecellî Tûr'unu hem Hazret-i Mûsâ gibi

Fakr ile fahr eyleyenler "kenzi lâ yefnâ" bulur

Olmayup nâ-merde muhtâc n'imet-i 'uzmâ bulur

Dünyâyı terk eyleyenler menzil-i a'lâ bulur

Göklere irer vücûdu Hazret-i 'Îsâ gibi

Sen de ey Dervîş Ömer cân ile Hakk'a 'âşık ol

Hem dahi Şa'bân Efendi'nin yolunda sâdık ol

Cânını kurbân edüp gel 'ıyd-ı vasla lâyık ol

Hakk'a mi'râc eyle cândan Hazret-i Ahmed gibi

Ömer Fuâdî

Kuddise Sırruh

Kalbi Beytullahını Hacceyleyen Lebbeyk İle