Kalbimiz Hüznünle Mahzûn Eyleme
8 Ağustos 2022 tarihinde yayınlanmıştır.
.jpg)
MÜNÂCÂT
Kalbimiz hüznünle mahzûn eyleme
Dâimâ vaslınla mesrûr et bizi
Mâsivâ hubbuna meftûn eyleme
Dâimâ lutfunla mesrûr et bizi
Kalmasın arada benlikden nişân
Erişe birlik iline cism ü cân
Sırr-ı pâkin ola her şeyde 'ayân
Dâimâ vaslınla handân et bizi
Resm-i hubb-i mâsivâ berbâd ola
Hemm ü gamdan cân u dil âzâd ola
Gece Kadr ü rûzumuz a'yâd ola
Dâimâ lutfunla mesrûr et bizi
Bu tenezzül perdesin dilden gider
Pür ola nûrunla kalbim ser-te-ser
Feyz-i zâtından ere câna eser
Dâimâ vaslınla handân et bizi
Ger Fenâyî bendene feth ola bâb
Zerresi bî-şekk olurdu âfitâb
Lutf-ı bî-pâyânına yokdur hisâb
Va'de-i vaslınla mesrur et bizi
Ehl-i Cennet Fenâyî Mehmed Efendi
Kaddesallahu Sırrahu'l-Âlî