Kalbine Rakîb Olanlar Zikr-i Hoşbûyla Yürür
31 Aralık 2020 tarihinde yayınlanmıştır.
NUTK-İ ŞERÎF
Kalbine rakîb olanlar zikr-i hoşbûyla yürür
Pes harem ehli olan elbette cârûyla yürür
Rîsmânın kuruban her gece cânbâz-ı felek
Ol da havf eyleyüben şûmla terâzûyla yürür
Şu'bede oynamağa gerçi düzer hokkaların
Subh-dem tîz devşirir sür'at-i bâzûyla yürür
Gâhî âhenger olup na'le vü geh mîha çakar
Bilmezem ki ne umar ol dahi arzûyla yürür
Sihrini anın subhun 'asâsı tîzcek ibtâl eder
Ahterân-ı mâhirândan gerçi câdûyla yürür
Gece âteşler atar kal'a-i bâlâsından ol
Bu 'acebdir şark u garbda burc u bârûyla yürür
Koma elden Şemsiyâ hablü'l-metîni aluban
Vâdî-yi semde olan destinde dârûyla yürür
Şemseddîn Sıvâsî
Kuddise Sırruh