Kâmetin Ey Bûstân-ı Lâ-mekân Pîrâyesi
9 Kasım 2020 tarihinde yayınlanmıştır.
NA'T-I ŞERÎF
Kâmetin ey bûstân-ı lâ-mekân pîrâyesi
Nûrdan bir servdir düşmez zemîne sâyesi
Yûsuf'u gerçi görenler ellerini kesdiler
Gün yüzün gördü senin şakk oldu bedrin âyesi
Menzilin yeter du'â-veş mâverâ-yı nüh sipihr
Kadrinin 'arş-ı mu'allâdan mu'allâ pâyesi
Evvel ü âhir nazîrin yok senin zâtın-durur
Hatm-i cümle enbiyâ kevn ü mekânın mâyesi
Dir görenler sen meh-i bedrin münîrin hüsnünü
Süd yerine nûr emzirmiş meğer kim dâyesi
Âhiret bâzârına vardıkda eyler fâide
Nakd-i 'aşkından anın kim vâr ola sermâyesi
Bâğ-ı cennetde ümîdim bu-durur kim Zâtî'yi
Cümle mü'minler ile ol server ide hem-sâyesi
Zâtî