Kapuna Gelir Seher Gün Ala Hüsnünden Sebak
14 Eylül 2024 tarihinde yayınlanmıştır.
NA'T-I ŞERÎF
Kapuna gelir seher gün ala hüsnünden sebak
Bedr iken itdin işâret aya oldu iki şakk
'Âşık oldum işidüp nâm-ı şerîfin cân ile
Bu meseldir gözden evvel 'âşık olurmuş kulak
Saçılan dürler sana kim işide elfâzını
Tâze güller bitire ger 'ârızın döke 'arak
Hazretine da'vet itdi geldi sana Cebraîl
On sekiz bin 'âlemin seyrin idüp bind in burak
Kim-durur senin yolunda baş u cân terk itmeyen
Yaradılmadan bu 'âlem sen idin mahbûb-ı Hakk
Yüz karasını Muhibbî göz yaşıyla bunda yu
İster isen yarın ola rûz-i mahşer yüzün ak
Fikr kılsam hayret alır bilmezem hâlim n'ola
Yok zevâde leng merkeb âh kim menzil uzak
Kânûnî Sultan Süleyman
Rahmetullahi Aleyh