MuzafferOzak.com (Türkçe)

NUTK-İ ŞERÎF

Kendine geldiğin zamân gülşen hâr olur sana

Kendin unutduğun zamân mâr nigâr olur sana

Kendine geldiğin zamân peşşeye hem şikârsın

Kendin unutduğun zamân şîr şikâr olur sana

Kendine geldiğin zamân yâr çü yâd olur hemân

Kendin unutduğun zamân cümlesi yâr olur sana

Kendine geldiğin zamân havsalasız olur gönül

Kendin unutduğun zamân dil çü bihâr olur sana

Kendine geldiğin zamân cümle cihân olur hazân

Kendin unutduğun zamân bâğ u bahâr olur sana

Cümle cefânın aslıdır zevk ü safâlar istemek

Terk-i telezzüz eylesen zehr güvâr olur sana

Hakkı murâdın istemekdir seni bî-murâd eden

Yoksa kamu murâdlar cümle nisâr olur sana

Erzurumlu İbrâhim Hakkı

Kaddesallahu Sırrahu'l-Âlî

Kendine Geldiğin Zaman Gülşen Hâr Olur Sana