Kerem Senden İhsân Senden

14 Ekim 2024 tarihinde yayınlanmıştır.

MÜNÂCÂT

Rahmeti bî-had Rahmânım

Kerem senden ihsân senden

Esirgeyici Sultânım

Kerem senden ihsân senden

Kulların işi noksândır

Senden ricâmız gufrândır

Adetin dâim ihsândır

Kerem senden ihsân senden

Cûş edip deryâ-yı rahmet

Kullara etdin inâyet

Lutfuna yokdur nihâyet

Kerem senden ihsân senden

Zümre-i evliyâ içün

Cümle-i asfiyâ içün

Hâtem-i enbiyâ içün

Kerem senden ihsân senden

Hüdâyî'ye eyle nazar

Tâ fazlına ola mazhar

Budur ricâ şâm ü seher

Kerem senden ihsân senden

Azîz Mahmûd Hüdâyî

Kaddesallahu Sırrahu'l-Âlî