Keşf-i Cemâl Eyledi Vech-i Sabîh-i Şeyh
22 Ekim 2021 tarihinde yayınlanmıştır.
NUTK-İ ŞERÎF
Keşf-i cemâl eyledi vech-i sabîh-i şeyh
Açdı nikâb-ı kesreti kavl-i melîh-i şeyh
Îzâh eder işâret veremez kinâyeti
Her dem lisân-ı hâl ile nutk-i sarîh-i şeyh
Feth etdi küfl-hâne-i kurb-i nevâfili
Miftâh-ı sünnet oldu hadîs-i sahîh-i şeyh
Dil-mürde-i hevâya verir tâze tâze cân
'Îsâ-dem etdi 'ayn-ı cemâdı Mesîh-i şeyh
Bezm-i fenâda keyf-i diğer istemez Rızâ
Besdir gıdâsı hâme-tırâz-ı medîh-i şeyh
Neccârzâde Rızâ Efendi
Kuddise Sırruh