Kim Bulur Cânâneyi Aslında Mi'râc Etmeden
20 Mart 2019 tarihinde yayınlanmıştır.
NUTK-İ ŞERÎF
Kim bulur cânâneyi aslında mi'râc etmeden
Edhem-âsâ varlığın 'aşkında târâc etmeden
Her sehâbın âbı 'ummâna erişemez bî-te'ab
Katreden seylân ile 'ummânı âmâc etmeden
Mümkün olmaz beyt-i zâta rükn-i erkânda tavâf
Varlığın tecrîd ü tefrîd eyleyüp hâcc etmeden
Zehre-i vuslat açılmaz 'aşk bahârı gelmeden
Asl ü fer'ini kemâlde 'ayn-ı ağâç etmeden
Nûr-i bî-reng 'aksini bulmaz meh-i mir'ât-ı dil
Âteş-i 'aşk ile mahviyyetde çün sâc etmeden
Hal'-i na'leyn eyleyen tûr-i huzûra buldu yol
Hiç bulur mu kâf-ı cismi misl-i Hallâc etmeden
Bulmadı Hakk'ı hakîkat Sâmiyâ zevka'l-yakîn
Cem' u fark içinde bezmin nûr-i vehhâc etmeden
Şeyh Abdurrahmân Sâmî Saruhânî
Kaddesallahu Sırrahu'l-Âlî