Kim-durur İnsân-ı Kâmil Vasfını Eyle Beyân
23 Ekim 2020 tarihinde yayınlanmıştır.
NUTK-İ ŞERÎF
Kim-durur insân-ı kâmil vasfını eyle beyân
Zerredir hurşîde mazhar katredir 'ummâna kân
Kûşe-i fakr içre ağnâdır gedâ-yı pâdişâh
Derd ü gam dellâlıdır bir hocadır tutmaz dükân
Bu mekân ehli içinde dâim ol gurbetdedir
Lâ-mekân şâhındadır ol murga çünki âşiyân
Geçdi mâzî gam yemez ferdâ için hâl ehlidir
Safha-i sırrında çün yazılmış kün fe kân
Dersidir dîvân-ı 'aşk özge haberden el yumuş
Anın içün virdidir her rûz u şeb âh u figân
Cübbesi içinde her dem bin menâzil kat' eder
Düldül-i 'aşka süvâr olmuş durur sanman yayan
Çünki hulkullâh ile mevsûf olupdur ol gürûh
Şemsiyâ bes kün ezîn emvâc-ı bahr-i bî-girân
Şemseddîn Sıvâsî
Kaddesallahu Sırrahu'l-Âlî