Kim ki Cânından Irak Oldu İşi Âh Olmuş

4 Mayıs 2019 tarihinde yayınlanmıştır.

NUTK-İ ŞERÎF

Kim ki cânından ırak oldu işi âh olmuş

Nefsini 'ârif olan 'ârif-i billah olmuş

Sakar-ı firkate düşmüş sefer-i zâhir eden

Sefer-i bâtın eden vâsıl-ı dergâh olmuş

Keder-i 'akl ile dildârdan olmuş dil dûr

Sâf olan 'aşk ile ol mihr ile çün mâh olmuş

Dil ü dilbersen ırak olma hemân sen senden

Olmasın kimseden şuglün ki gönül şâh olmuş

Kalbine eyle nazar kendini tanı kimsin

 Kendini dilde gören ehl-i dil âgâh olmuş

Nakd iken 'aşk ile cân dilde o dâdâr el-ân

İntizâr oduna yanmış o ki gümrâh olmuş

Hayret-i 'aşk ile kendin bilen ehl-i zevkin

Lezzet-i cânı münâcât-ı sehergâh olmuş

Ger Süleyman isen incitme eğer mûr olsa

Ki kamu zerreden ol şemse nihân olmuş

Çekmedi keşmekeş-i redd ü kabûl-i halkı

Hakkı kim kıble-i cânı hemân Allah olmuş

İbrâhîm Hakkı Erzurûmî

Kuddise Sırruh