Kıssa-i Giysû-yı Bârı Şerh ü Takrîr Eyledim
20 Şubat 2019 tarihinde yayınlanmıştır.
NUTK-İ ŞERÎF
Kıssa-i giysû-yı bârı şerh ü takrîr eyledim
Vecde geldim sûre-i "Ve'l-leyl"i tefsîr eyledim
İktidâ etdim bugün pîr-i mugânın irsine
Bir kadeh meyle dil-i vîrânı ta'mîr eyledim
Hırka-i zühdü satıp aldım sebû-yi bâdeyi
Sôfiyâ ben meslek-i rindânı takdîr eyledim
Hâb-ı gafletden safâ-yı kalble bîdâr olup
Gördüğüm rü'yâları aynıyla ta'bîr eyledim
Âşinâlık riştesin Nûrî tamâmen rabt içün
Zülf-i dildârı dil-i şeydâya zencîr eyledim
Şeyh Nûreddin el-Mevlevî
Kuddise Sırruh