Kıssa-ı Şem'-i Dili Pervâneden Sormak Gerek
3 Aralık 2020 tarihinde yayınlanmıştır.
NUTK-İ ŞERÎF
Kıssa-ı şem'-i dili pervâneden sormak gerek
Hâl-i bâğ-ı bülbülü dîvâneden sormak gerek
Zâhide savm u salât u bâb-ı mescidden haber
Rind-i bed-hâl olana meyhâneden sormak gerek
Tûtî-i tab' olan anlar şehd ü kandin tadını
Her ki baykuşdur ana vîrâneden sormak gerek
'Âşıkın derd-i derûnundan ne bilsin tab'-ı hâm
Hâl-i Mecnûn'u velî mestâneden sormak gerek
Sormanız esrâr-ı tevhîdi ne bilsin ehl-i kayd
Ol ki tersâdır ana büthâneden sormak gerek
Bilmesen esrâr-ı kalbinden 'aceb olmaz haber
Çünki menzilgâhıdır cânâneden sormak gerek
Şemsiyâ hâlât-ı meyden bilmek istersen haber
Nâm u nengi bırakup humhâneden sormak gerek
Şemseddîn Sıvâsî
Kuddise Sırruh