Küleh-Keşân İdince O Gül'izâr Semâ'
12 Haziran 2024 tarihinde yayınlanmıştır.
NUTK-İ ŞERÎF
Küleh-keşân idince o gül'izâr semâ'
Tevâcüd eyleyüp eyler gül-i bahâr semâ'
Hevâ-yı serv-i kadiyle o Mevlevî-beçenin
Çemende eyledi şimşâd ile çenâr semâ'
Gubâr-ı pâyine yüz sürmeğe revân olarak
İder bu tekyede her bâr cûybâr semâ'
Görelden ol mehi tennûre içre mihr ider
Palâs-ı atlas-ı tennûre bî-karâr semâ'
Tavâf-ı Ka'be-i kûyin içün cihân duralı
Döner zemîn ü zamân eyler ey nigâr semâ'
Nevâ-yı nâya hem-âheng idüp figânını Şems
İder demâdem-i hecrinle zâr u zâr semâ'
Osman Şems Efendi
Kuddise Sırruh