Lem'a-i Nûr-ı Melâhat Vech-i Tâbânındadır
13 Ocak 2023 tarihinde yayınlanmıştır.
NA'T-I ŞERÎF
Lem'a-i nûr-ı melâhat vech-i tâbânındadır
Tâbiş-i hurşîd-i 'ismet rûy-i rahşânındadır
Gökyüzünde sâyebân olmuş sana ebr-i bahâr
Şâhbâl-i murg-ı kudsî pây-i cevlânındadır
Öyle bir pâkîze dâmensin ki ey reşk-i melek
Kudsiyânın secde-i takdîsi dâmânındadır
Kalmasun beyhûde Sînâ üzre çeşmân-ı Kelîm
Baksın ol envâra kim çâk-i girîbânındadır
Yandım artık yâ Resûlallah sabrım kalmadı
İntıfâ-yı dil zülâl-i âb-ı hayvânındadır
Hasret-i pâ-bûs-i na'leyninle ey mahbûb-i Hakk
Rûy-i 'aczim âsitân-ı bâb-ı eyvânındadır
Sâha-i mahşerde ey bîçâregânın melce'i
Ahkarın Şems'in eli dâmân-ı ihsânındadır
Mahz-ı rahmetsin cihâna yâ şefî'a'l-müznibîn
"Rahmeten-li'l-'âlemîn" na'ti senin şânındadır
Osman Şems Efendi
Kaddesallahu Sırrahu'l-Âlî