Likâ-yı Hâliku'l-Eşbâh İrişse Ervâh-ı Şeydâya
2 Aralık 2018 tarihinde yayınlanmıştır.
NUTK-İ ŞERÎF
Likâ-yı Hâliku'l-eşbâh irişse ervâh-ı şeydâya
Sanasın haşr-ı ekberdir hayât irişdi mevtâya
"Nefehnâ" sırrı feyz itdi celâlinden cemâlinden
Anunçün mazhar-ı hikmet mugâyir ehl-i na'mâya
Bu cümle feyz-i Hakk'dır bil vücûdun mahv-ı mutlak kıl
Olagör sen de sâfî-dil sakın aldanma âlâya
Gönülde hayme-i 'adli kuran zulme eylemez meyli
Gözet Hakk'dan gelen kavli komagıl işin ortâya
Eğer bu sırrı Bayrâmî tamâmî zevk idindinse
Şu nûr-ı mutlaka irdin virir nûru güne âya