Lutf Edüp Bana Tabîbim Acabâ El Vura mı
23 Şubat 2023 tarihinde yayınlanmıştır.
.jpg)
NUTK-İ ŞERÎF
Lutf edüp bana tabîbim acabâ el vura mı
Merhemi hem dest ile sînem yâresin sara mı
Hasret ile gece gündüz âh u zârım ey dost
Vakt ola mı gül cemâlin bu gözümüz göre mi
Kalmadı aslâ mecâlim hicret-i vaslıyla âh
Teşrîf edüp güzelim hâlimi bir kez sora mı
Âh u enîn ile her dem zârı zârı ağlarım
Ol murâdlar verici bana murâdım vere mi
Va'd-i visâl eylemişdi 'âşıkına ol güzel
Rahm edüben dilrübâ ikrâr u 'ahde dura mı
Vasf-ı hüsnün söylemekde diller 'âciz kaldılar
Eylesem olmaz mu'âdil ona bağ-ı İrem'i
Gülsitân-ı hüsnün içre bülbülün çokdur velî
Sûzî mücrim gülşeninden bir gülünü dere mi
Ahmed Sûzî
Kuddise Sırruh